Xocalı faciəsinin 21-ci ildönümünə həsr olunmuş tədbir və sərgi keçirilmişdir
Bakı, 26 fevral (AZƏRTAC). Şüvəlan qəsəbə mədəniyyət evi Xəzər Rayon İcra Hakimiyyəti və Yeni Azərbaycan Partiyasının (YAP) rayon təşkilatı ilə birgə Xocalı soyqırımının 21-ci ildönümünə həsr olunmuş tədbir və sərgi keçirmişdir.
Mədəniyyət evindən AZƏRTAC-a bildirmişlər ki, əvvəlcə Xocalı faciəsi qurbanlarının xatirəsi bir dəqiqəlik sükutla yad edilmişdir.
Tədbirdə iştirak edən faciənin şahidi olmuş Xocalı sakinləri, YAP Xəzər rayon təşkilatının sədri Namiq Əhmədov, icra hakimiyyətinin nümayəndələri dəhşətli faciə haqqında danışmışlar.
Sonra Şüvəlan qəsəbə mədəniyyət evinin “Dram” dərnəyi üzvlərinin hazırladıqları “Xocalı - əsrin fəryadı” kompozisiyası təqdim edilmişdir.
Bölmənin digər xəbərləri
