Xocalı soyqırımı ilə bağlı anma mərasimi keçirilmişdir
Bakı, 25 fevral (AZƏRTAC). Fevralın 25-də Xətai rayon mədəniyyət mərkəzi Xocalı soyqırımının 21-ci ildönümü ilə əlaqədar 254 nömrəli tam orta məktəbdə anma tədbiri keçirmişdir.
Mədəniyyət mərkəzindən AZƏRTAC-a bildirmişlər ki, tədbirdə 254 nömrəli məktəbin müəllimləri iştirakçılara Xocalı faciəsi və azərbaycanlılara qarşı törədilən etnik təmizləmə siyasəti haqqında məlumat vermişlər.
Sonra mədəniyyət mərkəzinin “Qaravəlli” xalq teatrının üzvləri ədəbi-bədii kompozisiya ilə çıxış etmişlər.
Tədbir Milli Qəhrəman Çingiz Mustafayevin Xocalıda lentə aldığı kadrların nümayişi ilə yekunlaşmışdır.
Bölmənin digər xəbərləri
