“XONÇALI NOVRUZ GƏLİR”
AZƏRTAC-ın müxbiri xəbər verir ki, şəhər icra hakimiyyəti başçısının sərəncamı ilə bayramın geniş qeyd olunması üçün xüsusi tədbirlər planı hazırlanmışdır. Yevlax şəhərində, eləcə də rayonun bütün yaşayış məntəqələrində, idarə və müəssisələrdə, səhiyyə, təhsil, mədəniyyət ocaqlarında iməciliklər keçirilir, səliqə-sahman yaradılır.
Rayonda kütləvi el şənlikləri keçirilir, kimsəsizlərə, şəhid ailələrinə, əlillərə bayram sovqatı çatdırılır. Şəhər ictimaiyyətinin nümayəndələri “N” hərbi hissəsində əsgərlərlə, rayonda məskunlaşmış qaçqın və məcburi köçkünlərlə görüşürlər.
