Xorvatiyada 20 Yanvar faciəsinin ildönümünə həsr olunmuş tədbir keçirilmişdir
Buxarest, 20 yanvar (AZƏRTAC). Azərbaycanın Xorvatiyadakı səfirliyi 20 Yanvar faciəsinin 24-cü ildönümünə həsr olunmuş tədbir keçirmişdir.
Azərbaycanın Xorvatiyadakı səfiri Kamil Xasıyev tədbirdə çıxış edərək 20 Yanvar faciəsi barədə məlumat vermiş, bu hadisənin xalqımızın müstəqillik uğrunda mübarizəsində oynadığı roldan danışmışdır. Səfir Bakıda dinc əhalinin sovet qoşunları tərəfindən qətlə yetirilməsinə baxmayaraq, bu hadisələrin xalqın mübarizə əzmini qıra bilmədiyini, əksinə daha da möhkəmləndirdiyini vurğulamışdır. Məhz bu hadisələrin nəticəsi olaraq, 1991-ci ildə ölkəmiz müstəqilliyini bərpa etmişdir.
Azərbaycan Respublikasının dövlət himni səsləndirildikdən sonra mərasim iştirakçıları Şəhidlər xiyabanını ümumxalq ziyarətini Zaqrebdən canlı yayımla izləmişlər.
Səfirlik tərəfindən 20 Yanvar faciəsi ilə bağlı pres-reliz yayılmışdır. Matəmlə əlaqədar olaraq, Azərbaycanın dövlət bayrağı yarıya qədər endirilmişdir.
İqbal Hacıyev
AZƏRTAC-ın xüsusi müxbiri
Buxarest
Bölmənin digər xəbərləri
