X.SOLANA GÜRCÜSTANA GƏLMİŞDİR
AZƏRTAC-ın xüsusi müxbiri xəbər verir ki, Avropa İttifaqının xarici siyasət və təhlükəsizlik üzrə ali nümayəndəsi Xavyer Solana iyunun 5-də Tbilisiyə gəlmişdir.
X.Solana Gürcüstan Prezidenti M.Saakaşvili, Baş nazir V.Qurgenidze, müxalifətin nümayəndələri və qondarma Abxaziya Respublikasının rəhbərləri ilə görüşəcəkdir.
X.Solananın Gürcüstana səfəri ilə əlaqədar xarici işlər naziri Yekaterine Tkeşelaşvili demişdir ki, səfər mühüm əhəmiyyət kəsb edir. Özlüyündə onun Gürcüstana səfər etməsi sülhməramlı prosesin sürətlə irəli getməsi üçün Avropa İttifaqının hansı mexanizmləri hərəkətə gətirmək üzərində düşünmək qərarı deməkdir. Bu çox mühüm, güclü siqnaldır və bu prosesin daha fəal inkişafına imkan yaratmalıyıq. Beləliklə, Gürcüstan hökuməti beynəlxalq təşkilatların dəstəyi ilə, o cümlədən Vyana mexanizmini hərəkətə gətirməklə ərazi bütövlüyünün bərpası üçün əlindən gələni edəcəkdir”.
Bölmənin digər xəbərləri
