Yağışın təsirindən aşan hasar təbii qaz xəttini zədələyib
Bakı, 16 noyabr, AZƏRTAC
Noyabrın 16-da intensiv yağan yağış Suraxanı rayonu, Zığ qəsəbəsi, Xanlar küçəsində vətəndaşa məxsus hasarı aşırıb. Nəticədə ərazidən keçən 108 millimetr diametrində olan qaz xəttinin 80 metrlik hissəsi və 5 ədəd qaz sayğacı hasarın altında qalaraq zədələnib.
“Azəriqaz” İstehsalat Birliyindən AZƏRTAC-a bildirilib ki, bu səbəbdən S.Həmidov, Xanlar, H. Allahverdiyev küçələrindəki 120 abonentin qaz təchizatında müvəqqəti məhdudiyyət yaranıb. Qaz təchizatının bərpası məqsədilə “Azəriqaz” İstehsalat Birliyinin Qəza təmir-bərpa xidmətinin əməkdaşları artıq həmin ərazidə operativ işə başlayıb.
Bölmənin digər xəbərləri
