YANNİ BOŞER: “MƏN AZƏRBAYCANI SEVDİM, ÖLKƏNİZİ HEÇ VAXT UNUTMAYACAĞAM”
Bu sözləri Avropa Komissiyasının Azərbaycanda “Avropa evi”nin rəhbəri xanım Yanni Boşer respublikamızda öz səlahiyyətlərini başa çatdırması münasibətilə “İSR-Plaza” otelindəki iqamətgahında keçirilən mərasimdə demişdir. O bildirmişdir ki, demokratiya yolunu seçmiş Azərbaycanın əməksevər xalqı, işgüzar və xeyirxah insanları haqqında xoş xatirələr qəlbində əbədi yaşayacaqdır. Mən Azərbaycan xalqının xöşbəxt gələcəyinə tam əminəm. Ölkənizi təəssüf hissləri ilə tərk edirəm.
Mərasimdə “Avropa evi”nin yeni əlaqələndiricisi Nikolas Antonio çıxış edərək demişdir ki, Azərbaycanda fəaliyyət göstərmək barədə ona səlahiyyət verilməsindən son dərəcə məmnundur və qarşıdakı bir il ərzində ölkəmiz üçün əlindən gələni etməyə çalışacaqdır.
Bölmənin digər xəbərləri
