YAPONİYA ALİMLƏRİ XƏRÇƏNG XƏSTƏLİKLƏRİNİ TÖRƏDƏN GENİ TAPMIŞLAR
Onkoloji xəstəliklər genetik sapmalar üzündən baş verə bilər, xərçəng hüceyrələrinin sürətli artımını stimullaşdıran SMYD3 geni isə qiymətli informasiya mənbəyidir.
Alimlər bildirmişlər ki, SMYD3 geni metiltransferaza fermentinə cavabdehdir. Məlum olmuşdur ki, bu gen hüseyrənin yaranması və inkişafı prosesinin nizama salınması ilə bağlı onkogenlər, qomeoboks genlər və digər genlər vasitəsilə xərçəng hüceyrələrinin sürətlə artmasına kömək edir.
SMYD3 geni bağırsaq və qara ciyər toxumalarında nəinki adi, həm də xərçəng hüceyrələrinin, o cümlədən bədxassəli hüceyrələrin artımında həlledici rol oynayır.
Yaponiya Səhiyyə, Əmək və Sosial Təminat Nazirliyinin 2003-cü il statistikasına görə, xərçəng xəstəliyi ölkədə ölüm hallarının başlıca amilidir. Nakamura demişdir: “Aldığımız məlumatlar bu xəstəliyin səmərəli müalicəsini tapmağa kömək edəcəkdir”.
Bölmənin digər xəbərləri
