Yaqut Qarayeva: Ötən həftə Azərbaycanda koronavirusa 651 yoluxma halı qeydə alınıb
Bakı, 21 avqust, AZƏRTAC
Avqustun 10-dan 16-dək olan həftədə ölkəmizdə koronavirusa 651 yoluxma halı qeydə alınıb. Yoluxma hallarının 50 faizindən çoxu Bakı şəhəri və Abşeron yarımadasının payına düşür. Ölkəmizdə ən çox yoluxma halları 50-59 yaşarasında müşahidə olunur.
AZƏRTAC xəbər verir ki, bunu Nazirlər Kabineti yanında Operativ Qərargahın mətbuat konfransında TƏBİB-in şöbə müdiri Yaqut Qarayeva deyib.
"Ölkəmizdə yumşalma tədbirləri mərhələli şəkildə davam edir. Yoluxma saylarında isə artım qeydə alınır. Yumşalmalara gedərkən müəyyən artmalar gözləniləndir. Lakin bu, o demək deyil ki, biz bu artmaları normal qəbul etməliyik. Qaydalara ciddi şəkildə əməl olunmalıdır ki, yumşalmalar mərhələli şəkildə davam etdirilə bilsin. Hər bir vətəndaş maska taxmalı, gigiyena qaydalarına əməl etməli və fiziki məsafəni gözləməlidir", - deyə Y.Qarayeva qeyd edib.
Bölmənin digər xəbərləri
