“YARADICI GƏNCLƏRİN AKTUAL PROBLEMLƏRİ VƏ ONLARIN HƏLLİ YOLLARI” MÖVZUSUNDA SEMİNAR KEÇİRİLMİŞDİR
Nazir Əbülfəz Qarayev, Bakı Musiqi Akademiyasının rektoru, xalq artisti, professor Fərhad Bədəlbəyli və başqaları bildirmişlər ki, tədbirin keçirilməsindən məqsəd istedadlı və yaradıcı gənclərin aktual problemlərini müəyyənləşdirmək, ictimaiyyətin diqqətini bu istiqamətə yönəltmək və onların asudə vaxtlarının səmərəli təşkilinə çalışmaqdır.
Moskvadakı Azərbaycan gəncləri günlərindən söhbət açılan tədbirdə Bakı Musiqi Akademiyası tələbələrinin orada fəal iştirakı xüsusi vurğulanmışdır. Respublikamızın yaradıcı gənclərini layiqincə təmsil etdiklərinə görə onlara nazirliyin diplomları təqdim olunmuşdur.
Ali məktəb və tələbə gənclər təşkilatları rəhbərlərinin, yaradıcılıq təşkilatları, nazirlik, dövlət orqanları nümayəndələrinin iştirakı ilə keçirilən tədbirdə yaradıcı gənclərin aktual problemlərindən, onların aradan qaldırılması yollarından ətraflı söhbət getmiş, klassik və caz musiqisi səsləndirilmişdir.
Bölmənin digər xəbərləri
