YAXIN 100 İLDƏ AVROPADA HAVALAR SƏRİNLƏŞMƏYƏCƏK

17.08.2004 [21:25]
Çap et
A⁺ A^-

AZƏRTAC xarici informasiya mənbələrinə istinadla xəbər verir ki, Amerika alimləri belə bir qanunauyğunluğu aşkar etmişlər: Avropada 30 minə yaxın insanın ölümünə səbəb olmuş ötənilki güclü istilər tez-tez təkrar olunacaq və onların davamiyyət müddəti, temperaturun maksimal həddi get-gedə artacaqdır. Yer kürəsində parnik effekti güclənəcək və yaxın 100 il ərzində Avropada və Şimali Amerikada uzun sürən istilərə səbəb olacaqdır. Bu özünü xüsusilə Aralıq dənizi bölgəsində və ABŞ-ın cənub-şərqində büruzə verəcəkdir.

Bununla belə, dünyanı qlobal istiləşmədən qorumaq üçün mütəxəssislər bir sıra tədbirlər görməyi təklif edirlər. Onların fikrincə, yaxın 50 il ərzində atmosferə hər il 7 milyard ton karbon qazı ayrılmasının qarşısını almaq lazımdır. Bunun üçün bütün ölkələrin liderləri ekoloji texnologiyaların inkişafına, o cümlədən yanacağa qənaət edən avtomobillərin və təbii qazla işləyən elektrik stansiyalarının inkişafına xüsusi diqqət yetirməlidirlər. Bundan əlavə, alimlər istehsalatda küləyin gücündən fəal surətdə istifadə etməyi məsləhət görürlər.

YAXIN 100 İLDƏ AVROPADA HAVALAR SƏRİNLƏŞMƏYƏCƏK

MÜƏLLİFLƏ ƏLAQƏ

Bölmənin digər xəbərləri