“YAY” ƏMANƏTİ – İSTİRAHƏTİNİZİN ZƏMANƏTİ

20.06.2004 [16:40]
Çap et
A⁺ A^-

“Azərdəmiryolbank” Səhmdar Bankının mətbuat xidmətindən AZƏRTAC-a bildirmişlər ki, bu maliyyə qurumu müştərilərə və əhaliyə yeni depozit növü olan “Yay” əmanətini təklif edir. Bankın bu kampaniyası yay fəslində əhalinin istirahəti ilə bağlı bir çox problemləri aradan qaldırmağa kömək üçün təklif olunur və oktyabrın 1-dək davam edəcəkdir. “Azərdəmiryolbank” bu xidmətdən istifadə edən şəxslərə əmanətə görə hesablanan faizlərin yarısını dərhal avansla almaq imkanı yaratmışdır.

Müştərini istəyindən asılı olaraq, depozit hesabı minimum bir il, maksimum isə 2 il müddətinə açılır. “Yay” əmanətinin məbləği 1000 ABŞ dollarından tutmuş 100 min ABŞ dollarınadək ola bilər.

Müddətindən və valyuta növündən asılı olaraq, əmanətə görə illik 9,5 faizdən 14,5 faizədək gəlir ödənilir.

“Yay” əmanəti bankın Bakıdakı filialları ilə bərabər, Sumqayıt, Gəncə, Şəki, Zaqatala, Quba, İmişli və Lənkəran filiallarında da qəbul olunur.