Yeni Zelandiyada qlobal ərzaq böhranına qarşı meyvə növü yetişdirilir
Bakı, 14 sentyabr, AZƏRTAC
Yeni Zelandiyandakı Bitkilər və Qida Məhsulları Elmi-Tədqiqat İnstitutu iqlim dəyişikliyinin səbəb olduğu gələcək qlobal ərzaq böhranından çıxış yolları axtarır. Belə ki, alimlər bitki hüceyrələrindən həqiqi meyvələrin dadını və qoxusunu verən dərisiz meyvələr yetişdirirlər.
AZƏRTAC xarici KİV-lərə istinadla xəbər verir ki, Yeni Zelandiyanın hökuməti tərəfindən dəstəklənən “Food by Design” proqramının aparıcı elmi əməkdaşı Ben Şon deyir: “Gələcəkdə əhalinin və urbanizasiyanın artması, geri dönməz iqlim dəyişikliyi baş verəcək. Biz artıq indidən bu barədə düşünürük”.
Alimlərin yetişdirdikləri meyvələr həm qabıqsız, həm də çəyirdəksiz böyüyür. Ben Şonun sözlərinə görə, bu, həmçinin dünyada qida tullantılarının miqdarını azaltmağa da kömək edəcək.
Bölmənin digər xəbərləri
