YENİYETMƏLƏR ARASINDA VOLEYBOL VƏ TENNİS YARIŞLARI KEÇİRİLMİŞDİR
Bakı Olimpiya İdman Kompleksində oğlanlar arasında keçirilən voleybol yarışlarında 12 komanda iştirak etmişdir. Masallı idmançıları 1-ci, Ağdaş voleybolçuları 2-ci, Naxçıvan təmsilçiləri 3-cü yer tutmuşlar. Voleybolçu qızların final görüşləri iyunun 10-15-də keçiriləcəkdir.
Həmin kompleksdə böyük tennis üzrə keçirilən turnirdə oğlanlardan İlkin Əliyev, İdris Namazov, Teymur Qafarov, qızlardan Şükufə Abdullayeva, Könül Əlizadə və Səbinə Topçubaşova, müvafiq surətdə, 1-3-cü olmuşlar.
Cənclər və İdman Nazirliyinin tennis kortunda keçirilən stolüstü tennis üzrə yarışlarda isə oğlanlar arasında “Sumqayıt” 1-ci, “Bakı” 2-ci, “Qax” 3-cü yerə çıxmışdır. Qızlar arasında isə “Bakı” 1-ci, “Sumqayıt” 2-ci, “Gədəbəy” isə 3-cü yer tutmuşlar.
Bölmənin digər xəbərləri
