“YUĞ” BEYNƏLXALQ TEATR FESTİVALINA HAZIRLAŞIR
Lakin yay mövsümü teatr kollektivləri üçün gərgin yaradıcılıq, qastrollar, müsabiqələrdə və baxışlarda iştirak etmək dövrüdür.
İyulun 6-13-də Almatıda Beynəlxalq Teatr festivalı keçiriləcəkdir. Teatrın mətbuat xidmətindən AZƏRTAC-ın müxbirinə bildirmişlər ki, “Yuğ” festivalda Rüstəm İbrahimbəyovun “Məhrəm görüşlər üçün həmdəm axtarıram” pyesinin motivləri əsasında ”Padşah” tamaşasını təqdim edəcəkdir. Əsərin quruluşçu rejissoru Gümrah Ömər, rəssamı Rəşid Şərif, musiqi tərtibatçısı Cavanşir Quliyevdir.
Türkdilli ölkələrin teatr kollektivlərinin iştirakı ilə keçiriləcək festivalda teatrı 13 nəfər təmsil edəcəkdir.
Festivaldan sonra teatrın Norveçə qastrol səfərinə gedəcəyi gözlənilir. Norveç nümayəndələri Tbilisidə keçirilən “Teatr yarmarkası”nda teatrın repertuarından iki tamaşanı – Hötenin “Faust” və Şnöyderin “İlan dərisi” əsərlərini seçmişlər.
Bölmənin digər xəbərləri
