Yunanıstan bir neçə ölkənin vətəndaşları üçün giriş məhdudiyyətlərini ləğv edib
Sofiya, 5 iyul, AZƏRTAC
Yunanıstan Mülki Aviasiya İdarəsi vətəndaşlarının iyulun 1-dən etibarən girişinə icazə verilən “təhlükəsiz” ölkələrin siyahısını yeniləyib. Yeni ölkələr siyahısında İordaniya, Moldova, Bruney ilə yanaşı, Azərbaycan da var. Bu ölkələrdən Yunanıstana gələn bütün şəxslərin, ölkəyə gəlişindən ən azı 14 gün əvvəl koronavirus əleyhinə peyvənd edildikləri barədə müvafiq orqan tərəfindən verilmiş sertifikatı (ingilis dilində) olmalıdır. Həmçinin gəlişdən 72 saat əvvəl alınan mənfi COVID-19 PCR testi və ya Yunanıstana gəlmədən 48 saat əvvəl alınan mənfi ekspres bir test nəticəsi ola bilər. Mövcud səyahət məhdudiyyətlərinin qaldırıldığı ölkələrin müəyyənləşdirilməsi meyarları müəyyən bir ölkənin epidemioloji vəziyyətini və COVID-19 ilə mübarizənin nəticəsini özündə əhatə edir.
İqbal Hacıyev
AZƏRTAC-ın xüsusi müxbiri
Sofiya
Bölmənin digər xəbərləri
