YUNİSEF-İN ÖLKƏMİZDƏKİ YENİ TƏMSİLÇİSİ İLƏ GÖRÜŞ OLMUŞDUR
O bildirdi ki, Azərbaycan Respublikası YUNİSEF-lə bağlı bütün beynəlxalq konvensiyalara qoşulmuşdur. Beynəlxalq təşkilatlarla əməkdaşlıq, inkişaf etmiş ölkələrin təcrübəsindən istifadə olunması mükəmməl qanunlar hazırlanmasına kömək edir. Komissiyanın sədri onu da vurğuladı ki, geniş müzakirələrə səbəb olan bəzi qanunlarımız beynəlxalq təşkilatlar tərəfindən model qanun kimi qəbul edilmişdir. Bu gün bir sıra məsələlərin həllində beynəlxalq təşkilatlar Azərbaycana dəstək verə bilər.
Azərbaycanda YUNİSEF-i təmsil etməsindən məmnunluq duyduğunu bildirən xanım Hana Singer bu beynəlxalq təşkilatın ölkəmizdəki nümayəndəliyi qarşısında duran vəzifələrdən danışdı. Bildirdi ki, respublikamızda məcburi köçkünlərin müvəqqəti məskunlaşdıqları bölgələrə səfər etmiş, onların vəziyyəti ilə tanış olmuşdur.
H.Singer yaranmış problemlərin, xüsusilə də səhiyyə və təhsil sahəsindəki çatışmazlıqların birgə səylərlə həll olunacağına ümid bəslədiyini söyləmişdir.
