Yusif Vəliyev: Süni intellektlə bağlı günümüzün çağırışlarını əsas götürərək gələcəyimizə bu gündən başlayırıq
Bakı, 16 yanvar, AZƏRTAC
Azərbaycanda süni intellekt prioritet sahələrdən birinə çevrilib. Rəqabət qabiliyyəti texnologiya, bilik və innovasiya potensialı ilə ölçülür. Süni intellekt və rəqəmsal həllər iqtisadiyyatın bütün sahələrində keyfiyyət dəyişikliyi yaradan əsas amillərdən biridir. Süni intellektlə bağlı günümüzün çağırışlarını əsas götürərək biz gələcəyimizə bu gündən başlayırıq.
AZƏRTAC xəbər verir ki, bunu Gənclər Fondunun icraçı direktoru vəzifəsini icra edən Yusif Vəliyev Bakı Konqres Mərkəzində "İnnovasiya və süni intellekt" üzrə keçirilən təqaüd proqramı ilə bağlı təşkil olunan mərasimdə çıxışı zamanı deyib.
Yusif Vəliyev vurğulayıb ki, "İnnovasiya və süni intellekt" üzrə təqaüd proqramının əsas məqsədi gənclərin süni intellekt, yeniliklər və rəqəmsal həllərdən yalnız istifadəçi kimi istifadə etməsi deyil, həm də mütəxəssis kimi yetişməklərinə kömək etməkdir: "Bu gün istənilən sahədə süni intellekt və texnoloji yeniliklərə uyğunlaşmaq əsas məqsədlərdən biridir. Gənclər Fondunun da əsas məqsədi bu istiqamətdə özünü inkişaf etdirmək istəyən gənclərə dəstək olmaqdır".
Bölmənin digər xəbərləri
