“YUVA” JURNALI “KARNAVAL PARTY” TƏŞKİL ETMİŞDİR
Bakı, 17 may (AZƏRTAC). “Yuva” jurnalınını kollektivi və “Yuva” Analar Klubu 15 May Beynəlxalq ailə günü və 1 İyun Uşaqları müdafiə günü münasibətilə “Karnaval party” təşkil etmişdir.
Jurnalın redaktoru Samirə Muxtarqızı bildirmişdir ki, “Uşaq ili” çərçivəsində keçirilən bu tədbirin əsas məqsədi ailələrin milli-mənəvi dəyərlər əsasında qorunmasına, valideyn-övlad münasibətlərinin tənzimlənməsinə, uşaqların vətənpərvər ruhda böyüməsinə yardım göstərməkdir.
Tədbirdə uşaqlar “Təbəssüm” və “Şirek” uşaq qruplarının maraqlı nömrələrini həvəslə izləmiş, özləri də tarix və vətənpərvərlik mövzularında nağıl, şeir, mahnı və rəqslər ifa etmişlər.
Sonda fərqlənən uşaqlara hədiyyələr təqdim olunmuşdur.
Bölmənin digər xəbərləri
