Yuxusuzluqdan əziyyət çəkən yaponların sayı xeyli azalıb
Bakı, 10 iyun, AZƏRTAC
Sutka ərzində beş saat və ya daha az yatan əməkqabiliyyətli yaponların nisbəti son ildə 11,5 faiz təşkil edib ki, bu da 25 il əvvəlki göstəricinin təxminən yarısıdır. Bunu “Citizen Watch”un apardığı yeni araşdırma sübut edir.
AZƏRTAC Yaponiya mediasına istinadla xəbər verir ki, 1999-cu ildə belə insanların sayı 22,8 faiz təşkil edib.
Mayın 8-də son araşdırmasının nəticələrini açıqlayan şirkət bildirib ki, iş saatlarına düzəlişlər və çevik iş yerlərinin sayının artması sayəsində yuxu çatışmazlığının azaldığına inanır.
Aprel ayında Yaponiyada yaşı 20-50 arasında olan 400 işçi arasında aparılan onlayn sorğuya görə, onların 36,3 faizi altı saat, 36 faizi isə yeddi saat yatırlar.
Yeddi saat və ya daha çox yatdığını deyən respondentlərin ümumi payı 52,4 faizə çatıb.
Qeyd edək ki, Yaponiyada yuxusuzluq sindromunun bir çox həlli var və ölkə uzun illərdir bu problemlə mübarizə aparır. Bu mübarizəyə kömək edən bir çox amil olsa da, mədəniyyət və iş etikası yaponlar arasında yuxusuzluğun ən əhəmiyyətli iki səbəbidir.
Bölmənin digər xəbərləri
