Zabratda 53 yaşlı kişi dəmir parçası ilə qətlə yetirilib - YENİLƏNİB
Bakı, 25 oktyabr, AZƏRTAC
Oktyabrın 25-də 1970-ci il təvəllüdlü Firdovsi Nəcəfovun qəsdən öldürülməsi barədə Sabunçu Rayon Prokurorluğuna məlumat daxil olub.
Bu barədə AZƏRTAC-a rayon prokurorluğundan məlumat verilib.
Araşdırma zamanı 1988-ci il təvəllüdlü Adil Əsgərovun Sabunçu rayonunun Zabrat qəsəbəsi ərazisində aralarında yaranmış mübahisə zamanı tanışı Firdovsi Nəcəfovu dəmir parçası ilə vuraraq qəsdən öldürməsinə əsaslı şübhələr müəyyənləşdirilib.
Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, Adil Əsgərov şübhəli şəxs qismində tutulub.
Hazırda ibtidai istintaq davam edir.
18:05
Oktyabrın 25-də saat 17 radələrində paytaxtın Sabunçu rayonunun Zabrat qəsəbəsində 1970-ci il təvəllüdlü Nəcəfov Firdovsi Tofiq oğlunun küt alətlə qətlə yetirilməsi barədə polisə məlumat daxil olub.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib.
Bildirilib ki, cinayət əməlini törətməkdə şübhəli bilinən 1988-ci il təvəllüdlü Əsgərov Adil Xəlil oğlu polis əməkdaşları tərəfindən saxlanılıb.
İlkin məlumata görə hadisə şəxsi münasibətlər zəminində baş verib.
Faktla bağlı araşdırma aparılır.
Bölmənin digər xəbərləri
