Zabuxa qayıdan sakin: Çox böyük sevinc hissi yaşayırıq
Bakı, 23 noyabr, AZƏRTAC
Çox böyük sevinc hissi yaşayırıq. Allah bizim üçün bu sevinc hissini əbədi etsin. Bizə bu xoş günü yaşadan, öz qayğısını göstərən Prezident İlham Əliyevə minnətdarlığımı bildirirəm.
Bu sözləri AZƏRTAC-a müsahibəsində noyabrın 23-də Bakıdan Laçın rayonunun Zabux kəndinə yola salınan keçmiş məcburi köçkün Aytəkin Nuriyeva deyib.
Zabuxa ailəsi ilə birlikdə köçdüyünü deyən kənd sakini əlavə edib: “Övladlarım da buna çox sevinirlər. Çünki onlara tez-tez öz ata yurdumla bağlı olan xatirələrimi danışırdım. Bizi doğma elimizə, obamıza geri qaytaran şəhidlərimizə Allahdan rəhmət diləyirəm, qazilərimizə isə səbirli və güclü olmalarını arzulayıram”.
Bölmənin digər xəbərləri
