Zərdablılar Milli Qurtuluş Gününü təntənə ilə qeyd etmişlər
Zərdab, 14 iyun (AZƏRTAC). Zərdabda 15 İyun - Milli Qurtuluş Günü münasibətilə ümumrayon yığıncağı keçirilmişdir.
AZƏRTAC xəbər verir ki, yığıncaq iştirakçıları əvvəlcə Heydər Əliyev parkına gələrək Ulu Öndərin abidəsi önünə çiçəklər qoymuş, xatirəsini ehtiramla yad etmişlər.
Sonra onlar Zərdab şəhərindəki Heydər Əliyev Mərkəzində görkəmli dövlət və siyasi xadimin həyat və fəaliyyətini, Azərbaycan xalqı qarşısındakı misilsiz xidmətlərini əks etdirən sənədlərlə, fotoşəkillərlə tanış olmuşlar.
Ümumrayon yığıncağında çıxış edənlər ulu öndər Heydər Əliyevin ictimai-siyasi fəaliyyəti barədə ətraflı danışmışdır. Qeyd edilmişdir ki, bu dahi şəxsiyyətin xalqın təkidli tələbi ilə 21 il əvvəl - 1993-cü il iyunun 15-də yenidən siyasi hakimiyyətə qayıdışı Azərbaycanın çoxəsrlik tarixinə dövlətçiliyimizin qurtuluş günü kimi daxil olmuşdur.
Xüsusi vurğulanmışdır ki, Azərbaycan cəmiyyəti məhz Heydər Əliyev qüdrətindən güc alaraq bütün çətinlikləri və problemləri dəf etmiş, demokratik, hüquqi və dünyəvi dövlət qurmuş, azad, müstəqil yaşamaq iqtidarında olduğunu bütün dünyaya sübut etmişdir.
Belə bir yekdil fikir ifadə olunmuşdur ki, Azərbaycan bu gün Prezident ilham Əliyevin rəhbərliyi ilə gündən-günə qüdrətlənir, daha xoşbəxt, nurlu gələcəyə doğru inamla irəliləyir.
Bölmənin digər xəbərləri
