Zlatko Daliç Xorvatiya milli futbol komandasının baş məşqçisi kimi fəaliyyətini davam etdirəcək
Zaqreb, 27 avqust, AZƏRTAC
Xorvatiya Futbol Birliyinin (HNS) idarə heyətinin iclasında milli komandanın baş məşqçisi Zlatko Daliçin vəzifəsində qalması barədə qərar qəbul olunub.
Bu barədə HNS-in rəsmi internet səhifəsində məlumat verilib.
Əlli bir yaşlı baş məşqçinin müqaviləsinin müddəti 2020-ci il iyulun 31-də başa çatacaq. Avqustun əvvəlində Z.Daliç Xorvatiya Futbol Birliyi əməkdaşlıq barədə HNS-in sədri Davor Şuker ilə müzakirələrin aparılacağını bildirmişdi.
Qeyd edək ki, baş məşqçi Xorvatiya millisini 2017-ci ilin oktyabrından çalışdırır. Onun rəhbərliyi ilə Xorvatiya yığması Rusiyada keçirilən dünya çempionatının finalında Fransa millisinə 2:4 hesabı ilə məğlub olaraq ikinci yeri tutub.
İqbal Hacıyev
AZƏRTAC-ın xüsusi müxbiri
Zaqreb
Bölmənin digər xəbərləri
