CƏMİYYƏT


15 uşağın gələcəkdə ola biləcək sonsuzluq riski aradan qaldırılıb

Bakı, 20 noyabr, AZƏRTAC 

15 kriptorxizmli uşaq Respublika Müalicəvi Diaqnostika Mərkəzinin (RMDM) nəzdində böyrək xəstəlikləri və transplantologiya şöbəsində əməliyyat olunub.

RMDM-dən AZƏRTAC-a bildiriblər ki, əməliyyatı icra edən böyrək xəstəlikləri və transplantologiya şöbəsinin müdiri, cərrah-uroloq, transplantoloq, tibb üzrə fəlsəfə doktoru Rəşad Şolan bu barədə məlumat verib.

Həkim deyib: “Hər bir uşaq diqqətli araşdırmalardan sonra əməliyyata götürülüb. Bəzi azyaşlılarda əvvəl keçirdikləri uğursuz əməliyyat nəticəsində problem təkrarlanmışdı. Təbii ki, təkrar əməliyyatlar daha mürəkkəb idi. Bütün bunlara baxmayaraq, heç bir xəstədə patologiya qeydə alınmayıb. Xəstələr artıq evə buraxılıblar.”

Qeyd edək ki, kriptorxizm uşaqlarda çox geniş yayılmış xəstəlikdir. Belə uşaqların gələcəkdə sonsuzluq problemi yaşamamaları üçün bir yaşa qədər əməliyyat olunmalıdırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.