CƏMİYYƏT


Qafqaz Müsəlmanları İdarəsinin sədri Bolonyada Konstantinopol Patriarxı I Varfolomeylə görüşüb VİDEO

Bolonya, 15 sentyabr, AZƏRTAC

Bolonya şəhərində keçirilən “G20 VIII Dinlərarası Forum” çərçivəsində Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Konstantinopol Patriarxı I Varfolomeylə görüşüb.

AZƏRTAC xəbər verir ki, görüşdə şeyxülislam forumun dünyanı narahat edən aktual məsələlərin müzakirəsi üçün mühüm platforma olduğunu vurğulayıb. QMİ sədri Konstantinopol Patriarxı I Varfolomeyin bu vacib foruma təşrif buyurmasının əhəmiyyətini qeyd edib.

Konstantinopol Patriarxı I Varfolomey isə öz növbəsində şeyxülislam Allahşükür Paşazadə ilə keçirdiyi görüşləri xatırladıb, bundan sonra da bu kimi platformalarda birgə fikir mübadiləsinin dinlərarası dialoqa töhfə verəcəyini bildirib.

Sonda qarşılıqlı xatirə hədiyyələri təqdim olunub.

Nihad Budaqov

AZƏRTAC-ın xüsusi müxbiri

Bolonya

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.