2000-Cİ QOLUN MÜƏLLİFİ KİM OLACAQ?
İyunun 27-də Hannover şəhərində keçiriləcək səkkizdəbir final mərhələsinin görüşü, ümumilikdə, bütün final turnirlərinin yubiley - 700-cü oyunu olacaqdır.
Ən əsası isə, final turnirlərində indiyədək vurulmuş topların sayına nəzər yetirsək, qəti demək olar ki, Almaniyada final mərhələlərinin 2000-ci topu vurulacaqdır. Belə ki, 2002-ci il iyunun 30-da keçirilmiş sonuncu final görüşündə Ronaldonun Oliver Kannın qapısına vurduğu qol (Braziliya- Almaniya - 2:0) final mərhələlərinin 1916-cı topu olmuşdur. 2002-ci ildə Koreya/Yaponiyada keçirilmiş final turnirində 161, 1998-ci ildə isə Fransada 171 qol vurulduğunu xatırlasaq, bunun üçün builki çempionatda 84 qol vurulması kifayətdir.
Bölmənin digər xəbərləri
