2003-CÜ İLDƏ HEYVANDARLIQ SAHƏSİ DİNAMİK İNKİŞAFDA OLMUŞDUR
Dövlət Statistika Komitəsindən AZƏRTAC-ın müxbirinə bildirmişlər ki, 2004-cü il yanvarın 1-nə olan məlumata görə, ölkə üzrə təsərrüfatlarda 2217.4 min baş iribuynuzlu mal-qara, 7166.8 min baş qoyun və keçi olmuşdur. Ümumilikdə heyvanların baş sayı 2002-ci il yanvarın 1-nə nisbətən 1.8 və 2.6 faiz artmışdır. Qeyd etmək lazımdır ki, qaramal və davarın sayının artması rayonların böyük əksəriyyətində müşahidə olunmuşdur.
Təsərrüfatlarda mal-qaranın baş sayının sabit saxlanması nəticəsində isə 2003-cü ildə diri çəkidə ət istehsalının həcmi əvvəlki ilin səviyyəsindən 8.2 faiz çox olmuş, yəni 240 min tona çatmışdır.
Bölmənin digər xəbərləri
