20 YANVAR FACİƏSİNİN İLDÖNÜMÜ AĞCABƏDİDƏ KÜTLƏVİ TƏDBİRLƏRLƏ QEYD OLUNMUŞDUR
Ağcabədi, 21 yanvar (AZƏRTAC). 20 Yanvar faciəsinin iyirminci ildönümü Ağcabədi rayonunda kütləvi tədbirlərlə qeyd olunmuşdur.
İdarə və təşkilatlarda, təhsil və mədəniyyət müəssisələrində faciənin ildönümünə həsr olunmuş yığıncaq və konfranslar keçirilmiş, foto və rəsm sərgiləri açılmış, yanvarın 19-da ümumtəhsil məktəblərində ilk dərslər qanlı hadisələrə həsr olunmuşdur.
Yanvarın 20-də rayon rəhbərliyi, əmək kollektivlərinin nümayəndələri Şəhidlər xiyabanına gələrək Vətənimizin müstəqilliyi və ərazi bütövlüyü uğrunda həlak olanların məzarları üstünə və 20 Yanvar qurbanlarının xatirəsinə ucaldılmış abidə kompleksi önünə çiçək dəstələri düzmüşlər. Şəhidlərin ruhuna dualar oxunmuşdur.
Tədbir Qarabağ Muğam Mərkəzində davam etdirilmişdir. Rayon icra hakimiyyətinin başçısı Şahin Məmmədov Azərbaycan tarixinin azadlıq mübarizəsinin və qəhrəmanlıq salnaməsinin parlaq səhifələrindən olan 20 Yanvardan danışmış, qanlı hadisəyə siyasi-hüquqi qiymət verilməsində, şəhidlərin adının əbədiləşdirilməsində ümummilli lider Heydər Əliyevin xüsusi xidmətlərini vurğulamışdır.
Tədbirdə ədəbi-bədii kompozisiya nümayiş olunmuşdur.
######
Bölmənin digər xəbərləri
