Heyvanların qeydiyyata alınması nə üçün vacibdir? VİDEO
Bakı, 18 iyul, AZƏRTAC
Heyvanların identifikasiyası və qeydiyyatı təhlükəsiz heyvan mənşəli qida məhsullarının istehsalının təmin olunması baxımından mühüm əhəmiyyət kəsb edir.
AZƏRTAC xəbər verir ki, bununla əlaqədar Azərbaycan Qida Təhlükəsizliyi İnstitutunun departament müdiri Yavər Məmmədov deyib: “Heyvan sağlamlığının və rifahının qorunması, xəstəliklərin vaxtında diaqnostikası və qarşısının alınması, təsərrüfatların səmərəli idarəolunması, baytarlıq nəzarətinin gücləndirilməsi, eləcə də, itmiş heyvanların operativ şəkildə tapılması kimi amillər də bu prosesin əhəmiyyətini artırır. Heyvanların identifikasiyası və qeydiyyatı qida zəncirinin təhlükəsizliyini təmin edir, “fermadan süfrəyə” prinsipinin qorunmasına zəmin yaradır, heyvan mənşəli məhsulların keyfiyyətinə, eləcə də, təhlükəsizliyinə zəmanət verir. Bu proses, eyni zamanda, qida təhlükəsizliyinin əsasını təşkil edir və heyvan mülkiyyətçilərinin hüquqi və iqtisadi məsuliyyətidir. Ölkəmizdə heyvanların identifikasiyası və qeydiyyatı müvafiq qanunvericilik aktları ilə tənzimlənir, baytarlıq nəzarətinin əsasıdır və məcburidir”.
Bölmənin digər xəbərləri
