“Tour d’Azerbaïdjan-2015” veloyürüşünün sonuncu üç mərhələsi “Eurosport” telekanalı ilə birbaşa yayımlanacaq VİDEO
Bakı, 15 aprel, AZƏRTAC
Beynəlxalq Velosipedçilər İttifaqının (UCİ) 2.1 kateqoriyalı “Tour d’Azerbaïdjan-2015” veloyürüşünün başlanmasına 20 gün qalır. Mayın 6-dan 10-dək keçiriləcək beşgünlük yarışın sonuncu üç mərhələsi planetin nüfuzlu “Eurosport” telekanalı ilə birbaşa yayımlanacaq. İlk iki mərhələ isə yarım saatlıq icmal şəklində tamaşaçılara təqdim ediləcək.
Azərbaycan Velosiped İdmanı Federasiyasından (AVİF) AZƏRTAC-a bildiriblər ki, AVİF tərəfindən hazırlanmış musiqili tanıtım videoçarxı martın 21-dən telekanalda yayımlanır. Bundan başqa, “Eurosport”un öz təşəbbüsü ilə “Tour d’Azerbaïdjan-2015” ilə bağlı daha bir videoçarx hazırlanıb və yayım proqramına salınıb.
Qeyd edək ki, bu, telekanal tarixində ilk belə haldır. “Eurosport” 2.1 kateqoriyalı turnirlərlə bağlı heç vaxt belə bir addım atmayıb. Bunadək “Eurosport” yalnız “Tour de France”, “Vuelta”, “Giro d’İtalia” və digər dünya turları ilə bağlı özünün hazırladığı videoçarxları yayımlayıb.
“Eurosport”un hazırladığı videoçarxı bu linkdən izləmək mümkündür: https://www.youtube.com/watch?v=sSPO_bdF0bc
Bölmənin digər xəbərləri
