“Le Tour de Bretagne” veloyarışının dördüncü mərhələsi “Synergy Baku” üçün uğurlu olub VİDEO
Bakı, 29 aprel, AZƏRTAC
Fransada təşkil olunan 7 mərhələli “Le Tour de Bretagne” yarışının 190 kilometrlik IV mərhələsi “Synergy Baku” velosiped komandası üçün uğurlu olub. Belə ki, komandanın üzvü Yannis Tamuridis məsafəni 4 saat 16 dəqiqə 25 saniyəyə başa vurub və bununla da finiş xəttini ikinci keçib.
AZƏRTAC xəbər verir ki, digər velosipedçilərimizə gəlincə, Dennis van Vinden 9-cu, Maksim Averin isə 12-ci olub. Xatırladaq ki, “Le Tour de Bretagne”ın II mərhələsi “Synergy Baku”nun digər üzvü Matey Müqerlinin qələbəsilə başa çatmışdı.
Dördüncü mərhələdəki uğurlu çıxışı Yannis Tamuridisə ümumi təsnifatda 8-ci pilləyə yüksəlməyə imkan verib. İndi o, liderdən cəmi 23 saniyə geri qalır. Komanda hesabında isə “Synergy Baku” 22 kollektiv arasında 3-cü yerdədir.
Bölmənin digər xəbərləri
