İDMAN


Azərbaycan Premyer Liqası: “Keşlə”-“Qarabağ” oyununda qalib müəyyənləşməyib

Bakı, 31 oktyabr, Nicat Məmmədov, AZƏRTAC

Oktyabrın 31-də Azərbaycan Premyer Liqasında 7-ci turun təxirə salınmış oyunu keçirilib.

AZƏRTAC xəbər verir ki, baş məşqçi Tərlan Əhmədovun rəhbərliyi ilə ilk görüşünə çıxan “Keşlə” doğma meydanda “Qarabağ” klubunu qəbul edib. Görüş 1:1 hesabı ilə başa çatıb.

Hesabı oyunun 56-cı dəqiqəsində Ağdam təmsilçisi açıb. Miçel adını tabloya yazdırıb. Paytaxt klubunun heyətində isə Sertan Taşqın 79-cu dəqiqədə fərqlənməklə qarşılaşmada tarazlığı bərpa edib. Oyunun 89-cu dəqiqəsində meydan sahiblərinin futbolçusu Samir Məsimov qırmızı vərəqə alaraq meydandan kənarlaşdırılıb.

Qeyd edək ki, bu nəticədən sonra “Qarabağ” 17 xalla turnir cədvəlində ikinci, “Keşlə” isə 6 xalla 7-ci pillədə qərarlaşıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.