DÜNYA


Böyük Britaniya Qazaxıstan vasitəsilə nəqliyyat daşımalarında maraqlıdır

Astana, 8 oktyabr, AZƏRTAC

Böyük Britaniya Qazaxıstan vasitəsilə Çin ilə Avropa arasında nəqliyyat daşımalarında maraqlıdır.

AZƏRTAC xəbər verir ki, bu fikir Astanada Böyük Britaniya və Qazaxıstan beynəlxalq ticarət-iqtisadi, elmi-texniki və mədəni əməkdaşlıq üzrə hökumətlərarası komissiyanın iclasında bildirilib.

Qeyd edilib ki, hazırda “Bir kəmər-bir yol” layihəsi Çin və Avropa arasında ticarət və nəqliyyat daşınmalarında böyük potensial yaradıb, Qazaxıstanın Avrasiya regionunda strateji əhəmiyyətə malik olması əməkdaşlığı daha da gücləndirmək üçün fürsətdir. İclasda iki ölkə arasında daha çox ixracatın olacağı vurğulandı.

Qeyd edək ki, Böyük Britaniya Qazaxıstanda olan xarici investorlar arasında 3-cü ölkədir. Böyük Britaniyaya məxsus 100-dən artıq şirkət Qazaxıstanda müxtəlif sahələrdə fəaliyyət göstərir.

İlahə Əhmədova

AZƏRTAC-ın xüsusi müxbiri

Astana

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.