DÜNYANIN ƏN YÜKSƏK DAĞ GÖLÜ QURUMAQDA DAVAM EDİR
Bakı, 2 dekabr (AZƏRTAC). Cənubi Amerikanın ən iri, dünyanın ən yüksək gəmiçilik gölü Titikakanın sahəsi iqlimin mülayimləşməsi səbəbindən azalmaqdadır. Alimlərin fikrincə, Peru ilə Boliviyanın sərhədində yerləşən təbiətin bu möcüzəsinin xilasına dair ciddi tədbirlər görülməsə, nəhəng göl üç “müstəqil” gölə çevriləcəkdir.
Maraqlıdır ki, belə bir hadisə artıq 1993-cü ildə baş vermişdi. Yağıntı az düşdüyü üçün göldə suyun səviyyəsi o qədər azalmışdı ki, bir gölün yerində iki göl əmələ gəlmişdi. Göldə suyun səviyyəsi çox vaxt yağıntıların azalması, son illər həm də Günəş radiasiyasının artması üzündən baş verir. Ekoloqların fikrincə, Titikaka gölü həftə ərzində orta hesabla 2-3 santimetr quruyur. Bu ilin aprelindən etibarən göldə suyun səviyyəsi 81 santimetr azalmışdır.
Bölmənin digər xəbərləri
