Beynəlxalq Miqrasiya Təşkilatının nümayəndəsi: Azərbaycanın və COP29-un dəstəyindən qürur duyuram
Bakı, 19 may, AZƏRTAC
Ötən il COP30 çərçivəsində qeyd edildi ki, inkişaf etməkdə olan ölkələr üçün 2023–2035-ci illər arasında iqlim adaptasiyasının illik dəyəri icmaların uyğunlaşmasını dəstəkləmək məqsədilə təxminən 365 milyard dollar təşkil edir. Bu, çox böyük rəqəmdir və həmin maliyyənin əldə edilməsi heç də həmişə asan olmur. Məhz buna görə biz bu istiqamətdə işləyirik.
AZƏRTAC xəbər verir ki, bunu Ümumdünya Şəhərsalma Forumunun 13-cü Sessiyası (WUF13) çərçivəsində Beynəlxalq Miqrasiya Təşkilatının İqlim Fəaliyyəti Bölməsinin direktoru Rania Sharshr "Xəzər regionunda iqlimə davamlı şəhərlər və icmalar: Şəhər uyğunlaşması üçün şaquli iqlim maliyyələşdirilməsi" mövzusunda yüksəksəviyyəli dialoqda çıxışı zamanı deyib.
"Mən, həmçinin Azərbaycanın və COP29-un dəstəyindən qürur duyuram. Onlar miqrasiya və məcburi köçkünlük məsələlərini inkişaf prinsiplərinə inteqrasiya etməyə dəstək göstəriblər. İqlim böhranı fonunda miqrasiya və yerdəyişmənin əsas amillərdən biri olduğunu anlayıblar", - deyə R.Sharshr vurğulayıb.
Bölmənin digər xəbərləri
