Anaklaudia Rossbax: Milyonlarla insan qeyri-təhlükəsiz şəraitdə yaşayır

19.05.2026 [18:19]
Çap et
A⁺ A^-

Bakı, 19 may, AZƏRTAC

Dünyada baş verən bir sıra proseslər məskunlaşma probleminə gətirib çıxarır. Qlobal məskunlaşma onilliklər ərzində yaranan problemdir.

AZƏRTAC xəbər verir ki, bunu Ümumdünya Şəhərsalma Forumunun 13-cü Sessiyası (WUF 13) çərçivəsində BMT-nin Məskunlaşma Proqramının (UN-Habitat) əsas nəşri olan “World Cities Report 2026” adlı hesabata həsr olunan dəyirmi masada videoformat şəklində çıxış edən UN-Habitat-ın icraçı direktoru Anaklaudia Rossbax deyib.

“Milyonlarla insan qeyri-təhlükəsiz şəraitdə yaşayır. Onların ən elementar xidmətlərə belə əlçatanlılığı yoxdur. Hazırda 123 milyon insan qaçqın və məcburi köçkün halına düşüb. Bu da yerli əhalinin yoxsulluğuna gətirib çıxarır. Hər bir kəsin adekvat məskunlaşmağa nail olması yoxsulluğun azaldılmasına gətirib çıxara bilər. Bu hesabat bizə Yol Xəritəsi təqdim edir ki, hansı işləri həyata keçirə bilərik”, - deyə o əlavə edib.

_{Müxbirlər- Günel Türksoy, Günel Alıyeva}

_{Fotoqraf- İlkin Cavanşirov}