DÜNYA


“Hayabusa-2” kosmik zondu Ryuqu asteroidinə iki robotlaşdırılmış nəqliyyat vasitəsi göndərib

Tokio, 22 sentyabr, AZƏRTAC

Yaponiya Aerokosmik Məkanın Öyrənilməsi Agentliyi (JAXA) bildirib ki, “Hayabusa-2” kosmik zondu Ryuqu asteroidinə iki ədəd robotlaşdırılmış nəqliyyat vasitəsi göndərib.

AZƏRTAC NHK telekanalına istinadla xəbər verir ki, JAXA-nın məlumatına görə, şənbə günü Yerə göndəriləcək fotolar “MINERVA-II-1” nəqliyyat vasitələrinin asteroidə uğurla endiyini təsdiq edəcək.

Agentliyin nümayəndələri nəqliyyat vasitələrinin cümə günü, “Hayabusa-2” 20 min metr hündürlükdən enərək, asteroidin səthinə 55 metrədək yaxınlaşdıqdan sonra göndərildiyini bildiriblər.

Nəqliyyat vasitələrinin asteroidə göndərilməsində məqsəd həm sınaqların keçirilməsi, həm də onun səthindən fotoların çəkilərək Yerə göndərilməsidir. Asteroidə növbəti robotlaşdırılmış nəqliyyat vasitələrinin oktyabrda göndərilməsi planlaşdırılır. “Hayabusa-2” kosmik zondunun göyərtəsində daha iki nəqliyyat vasitəsinin olduğu bildirilir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.