“Könüllülər ili” bu sahədə çalışan gənclərə əlavə stimul verir
Bakı, 13 yanvar, AZƏRTAC
2017-ci ildə “ASAN xidmət”də könüllülər ailəsinə qoşulmuşam. Hazırda gənclərin inkişafı naminə layihələr həyata keçirirəm.
Bu sözləri “ASAN xidmət”də könüllü kimi fəaliyyət göstərən Nicat Rəşidov AZƏRTAC-a müsahibəsində deyib: “Kollektivdə işləməkdən böyük zövq alıram və iş yoldaşlarımla ünsiyyət qurmaqla həm yeni dostlar qazanır, həm də özümü inkişaf etdirirəm. Burada olduğum müddətdə müxtəlif layihələrdə fəal iştirak etmişəm. Biz, regionlarımızda reallaşan tədbirlərə qatılmaqla, orada yaşayan gənclərin könüllülüyə həvəsini daha da artırmaq və onları da könüllü olmağa dəvət edirik. Gənclər üçün burada təcrübə qazanmaq və bu təcrübədən yararlanmaq çox önəmlidir. Ölkə başçısının 2020-ci ili “Könüllülər ili” elan etməsini böyük sevinc hissi ilə qarşıladım. Bu, biz gənclərə əlavə stimul verdi və sosial məsuliyyətimizi artırdı”.
Bölmənin digər xəbərləri
