MƏDƏNİYYƏT


Marneulidə Novruz bayramı qeyd olunub

Tbilisi, 21 mart, AZƏRTAC

Gürcüstanda azərbaycanlıların yığcam yaşadıqları Marneuli rayonunda Novruz bayramı geniş qeyd olunub.

AZƏRTAC xəbər verir ki, martın 21-də rayon mərkəzində təşkil olunan bayram şənliyində Gürcüstanın Baş naziri Mamuka Baxtadze, nazirlər Ketevan Tsxelaşvili, Sozar Subari, Kvemo Kartli bölgəsinin qubernatoru Şota Rexviaşvili, parlamentin deputatı Mahir Dərziyev və digər rəsmi şəxslər iştirak ediblər.

Marneuli sakinləri Baş naziri duz-çörəklə qarşılayıblar.

Mamuka Baxtadze rayon mərkəzində yaradılmış yarmarkaya baxıb, yumurta döyüşdürüb, şəkərbura və paxlavanın dadına baxıb, samovar çayı içib.

Sonra Novruz tonqalı yandırılıb.

Mərasimdə çıxış edən qubernator Ş.Rexviaşvili Marneuli sakinlərini bayram münasibətilə təbrik edib. Mərasimdə iştirakına görə hökumət başçısına minnətdarlıq edib.

Baş nazir çıxışında azərbaycanlıları ana dillərində - Azərbaycan dilində təbrik edərək firavanlıq, ruzi-bərəkət arzulayıb.

Tədbir konsert proqramı ilə davam edib.

Xatai Azizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.