Misirdə ağır yol qəzasında azı 10 nəfər ölüb
Qahirə, 14 aprel, AZƏRTAC
Misirin Asuan əyalətindəki Əbu-Simbel rayonunda avtobusun qarşıdan gələn nəqliyyat vasitəsilə toqquşması və yanması nəticəsində azı 10 nəfər ölüb, 14 sərnişin yaralanıb.
AZƏRTAC Misirin Daxili İşlər Nazirliyinə istinadla xəbər verir ki, qəzada ölənlərin 4 nəfəri Fransa, biri isə Belçika vətəndaşıdır. Yaralıların da 12-si fransız və belçikalı turistlərdir. Misirin Baş Prokurorluğu insidentlə bağlı cinayət işi qaldırıb, polis hadisənin baş verdiyi ərazidə təhqiqat aparır.
Misir Prezidenti Əbdülfəttah əs-Sisi həlak olanların ailələrinə və yaxınlarına başsağlığı mesajı yayımlayıb, yaralı turistlərin müalicəsi üçün müvafiq strukturlara tapşırıq verib.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
