WUF13 çərçivəsində “Şəhərin səsi” proqramı
Bakı, 13 may, AZƏRTAC
Mayın 16-da Cəfər Cabbarlı adına “Azərbaycanfilm” kinostudiyasında Ümumdünya Şəhərsalma Forumunun On Üçüncü Sessiyası (WUF13) çərçivəsində “Şəhərin səsi” adlı xüsusi mədəni proqram keçiriləcək.
Bu barədə AZƏRTAC-a Azərbaycan Respublikasının Kino Agentliyindən (ARKA) məlumat verilib.
Bildirilib ki, tədbir şəhər anlayışını yalnız urbanistika və memarlıq kontekstində deyil, həm də musiqi, rəqəmsal incəsənət, kino irsi və müasir yaradıcı sənayelərin sintezi vasitəsilə təqdim edəcək.
Tədbirin məqsədi Bakının çoxqatlı şəhər kimliyini yeni formatda nümayiş etdirməkdir. Burada şəhər ritm, səs, vizual hekayə və kollektiv təcrübə kimi yenidən düşünülür. Tədbir iştirakçıları üçün DJ çıxışları, audiovizual performanslar, videomapping, rəqəmsal proyeksiyalar, mural konsepti və “Azərbaycanfilm” kinostudiyasının unikal tarixi atmosferində xüsusi proqram təqdim olunacaq.
Qeydiyyat üçün https://forms.gle/qAKDyJLM3EnpsQjF7 linkə keçid etmək mümkündür.
Bölmənin digər xəbərləri
