CƏMİYYƏT


Pandemiya dövründə qanunsuz ov halları azalıb

Bakı, 21 may, AZƏRTAC

Karantin dövrünün ətraf mühitə müsbət təsirindən bəhs edilir. Lakin bəzi dünya ölkələrində əks tendensiyalar var. Belə ki, karantin dövründə bilavasitə cavabdeh şəxslərin təbiət ərazilərinə nəzarət etməməsi səbəbindən qanunsuz ov hallarının artması müşahidə olunur. Bu, Nepalda, Cənubi Amerikanın bir sıra ölkələrində ciddi bir fəsad kimi qeyd olunur.

AZƏRTAC xəbər verir ki, bunu mayın 21-də Nazirlər Kabineti yanında Operativ Qərargahın təşkil etdiyi mətbuat konfransında Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin rəisi Hikmət Əlizadə deyib.

Nazirlik rəsmisi deyib ki, ölkəmizdə bu sahədə də balanslaşmış siyasət tətbiq olunduğundan, yəni müəyyən icazə verilmiş say həddində işçilərin öz vəzifə funksiyalarını yerinə yetirməsi təsbit edildiyindən, bütün sahələrdə olduğu kimi, Ekologiya və Təbii Sərvətlər Nazirliyinin xidməti ərazilərində də nəzarət tədbirləri aparılıb. Pandemiya dövründə ətraf mühitin digər sahələri kimi, qanunsuz ov sahəsində də ciddi azalma müşahidə edilib. Çox az sayda belə qanunsuz ov faktları qeydə alınıb. Lakin ümumilikdə azalma tendensiyası müşahidə edilməkdədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.