SİYASƏT


Prezident İlham Əliyevin Konyaya səfəri Türkiyə mediası tərəfindən geniş işıqlandırılıb

Konya, 10 avqust, AZƏRTAC

Azərbaycan Prezidenti İlham Əliyevin Türkiyə Prezidenti Rəcəb Tayyib Ərdoğanın dəvəti ilə avqustun 9-da Konya şəhərinə işgüzar səfəri qardaş ölkənin aparıcı kütləvi informasiya vasitələri tərəfindən geniş işıqlandırılıb.

AZƏRTAC xəbər verir ki, Anadolu və İHA xəbər agentlikləri, “TRT Haber”, “Haber Türk”, Haber Global” telekanalları, “Sabah”, “Yeni şafak” və digər qəzetlər daxil olmaqla çox sayda media qurumları dövlətimizin başçısına göstərilən ali qonaqpərvərliyə, Azərbaycan və Türkiyə prezidentlərinin ikitərəfli görüşlərinə, Azərbaycan Prezidenti İlham Əliyevin və birinci xanım Mehriban Əliyevanın təntənəli açılışı olan V İslam Həmrəyliyi Oyunlarını izləmələrinə və səfər barədə digər mövzulara aid geniş məlumatlar yayıblar.

Xəbərlərdə, həmçinin diqqətə çatdırılır ki, IV İslam Həmrəyliyi Oyunlarına yüksək səviyyədə ev sahibliyi edən Azərbaycanın peşəkar idmançıları budəfəki yarışlarda da böyük məharətlə çıxış edəcəklər.

Sabir Şahtaxtı

AZƏRTAC-ın xüsusi müxbiri

Konya

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.