DÜNYA


Tbilisidə xüsusi əməliyyat zamanı saxlanılan şəxslərin ölkədəki siyasi proseslərlə əlaqələri araşdırılır

Tbilisi, 2 dekabr, AZƏRTAC

Tbilisidə keçirilmiş xüsusi əməliyyat zamanı saxlanılan şəxslərin Gürcüstandakı siyasi proseslərlə əlaqələrinin olub-olmadığı araşdırılır.

AZƏRTAC xəbər verir ki, bu barədə Gürcüstan Daxili İşlər Nazirliyi (DİN) məlumat yayıb.

Məlumatda deyilir: “Dekabrın 2-də Tbilisidəki iki oteldə keçirilmiş xüsusi əməliyyat nəticəsində 6-sı Ukrayna vətəndaşı olmaqla 7 nəfər saxlanılıb. Onlardan tapança və əldə düzəldilmiş digər odlu silahlar götürülüb. İstintaqla onların Gürcüstana noyabrın 27-də gəldikləri məlum olub. Gürcüstan DİN və Dövlət Təhlükəsizlik Xidməti hazırda onların ölkədə baş verən siyasi proseslərlə (prezident seçkiləri və müxalifətin mitinqləri) əlaqəli olub - olmadıqlarını araşdırır”.

Mətbuatın yazdığına görə, saxlanılanlardan biri gürcü hərbçisi, Ukraynadakı “Donbas” taborunun könüllü döyüşçüsü Luka Çxetiyadır. Onun atası Serqo Çxetiya bildirib ki, oğlu Tbilisiyə müxalifətin kütləvi aksiyasında iştirak etmək üçün gəlib.

Gürcüstanın güc strukturları bu faktı araşdırır.

Məlumat üçün qeyd edək ki, Gürcüstan DİN əməkdaşlarının keçirdiyi xüsusi əməliyyat nəticəsində 7 nəfər saxlanılıb. Onların barəsində qanunsuz silah saxlama, partlayıcı hazırlama və s maddələr üzrə cinayət işi açılıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.