Azərbaycanda neft bitumu və neft koksu istehsalının həcmi açıqlanıb
Bakı, 17 avqust, AZƏRTAC
Bu ilin yanvar-iyul aylarında Azərbaycanda 447,5 min ton neft koksu, neft bitumu və neft məhsullarının digər qalıqları istehsal edilib.
Dövlət Statistika Komitəsindən AZƏRTAC-a bildirilib ki, bu göstərici 2025-ci ilin eyni dövrü ilə müqayisədə 28,5 min ton və ya 6 faiz azdır.
Bu ilin avqustun 1-i vəziyyətinə ölkədə hazır sözügedən məhsulların ehtiyatı 47,5 min ton təşkil edib.
Hesabat dövründə Azərbaycanda 81,7 min ton neft bitumu, 140,3 min ton isə neft koksu istehsal edilib. Ötən ilin ilk 7 ayındakı göstərici ilə müqayisədə ölkədə neft bitumu istehsalı 59,7 min ton və ya 42,2 faiz azalıb, neft koksu istehsalı isə 12,8 min ton və yaxud 10 faiz artıb.
Bölmənin digər xəbərləri
