ELM VƏ TƏHSİL


Tədqiqatçılar: Smartfonlarda “üztanıma” funksiyası etibarlı deyil

Bakı, 7 yanvar, AZƏRTAC

Niderland İstehlakçılar Assosiasiyasının apardığı tədqiqatın nəticələrinə görə, “üztanıma” funksiyası sayəsində mobil telefon bazarında satılan smartfonların 40 faizi başqaları tərəfindən asanlıqla açıla bilər.

AZƏRTAC BBC-yə istinadla xəbər verir ki, smartfonlar öz sahibinin şəkili ilə fotoqalereya arasında tam bir eynilik axtarmadığı üçün onların ekran kilidi bir vəsiqəlik fotoşəkilin köməyi ilə sıradan çıxarıla bilər. Tvente Universitetinin biometriya üzrə mütəxəssisi professor Raymond Veldhuis bildirib ki, telefonundan təhlükəsiz istifadə etməyi istəyən istehlakçılar “üztanıma” funksiyasından istifadə etməməlidir. Onun sözlərinə görə, smartfonların əksəriyyətini internetdən yüklənən hər hansı fotoşəkil vasitəsilə də açmaq mümkündür. “Zaman keçdikcə bizim üz cizgilərimiz dəyişir. Yaşlanma, yaxud estetik əməliyyatlar nəticəsində baş verən dəyişikliklər də mobil cihazların bu funksiyasını etibarsız edə bilər”, - deyə alim əlavə edib.

Aralarında “Samsung”, “Huawei”, “Sony” və Nokia smartfonlarının da olduğu 110 telefonu tədqiq edən mütəxəssislər müəyyən ediblər ki, onlardan 42-si bu üsulla çox asanlıqla açılır. Tədqiqatçılar istehlakçılara tövsiyə ediblər ki, onlar “üztanıma” funksiyasını bağlasınlar, yalnız barmaq izi və şifrlərdən istifadə etsinlər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.