DÜNYA


Venesuela Prezidenti ölkədə minimum əməkhaqqını yenidən artırıb

Bakı, 21 iyun, AZƏRTAC

Venesuela Prezidenti Nikolas Maduro ölkədə minimum əməkhaqqını yenidən 103 faiz artıraraq 3 milyon bolivara, minimal ərzaq səbətinin əldə olunması üçün ödəmələr də nəzərə alınmaqla, 5,2 milyon bolivara çatdırıb.

AZƏRTAC bu barədə AVN informasiya agentliyinə istinadla xəbər verir.

Venesuelada sonuncu dəfə əməkhaqqı aprel ayının sonlarında artırılsa da, hiperinflyasiya fonunda maaş artımı əhalinin alıcılıq qabiliyyətində əks olunmur. Belə ki, iyunun 20-də “qara bazar”da dolların məzənnəsi 2,8 milyon bolivara yüksəlib. Bu isə o deməkdir ki, ölkədə minimal əməkhaqqı cəmi 1,85 dollar təşkil edir.

Qeyd edək ki, neftin ucuzlaşması səbəbindən yaranan məhsul qıtlığı, hiperinflyasiya və dövlət gəlirlərinin həcminin azalması Venesuelada vəziyyətin hər gün daha da ağırlaşmasına gətirib çıxarır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.