DÜNYA


Yaponiyada dünyanın ən uzun yelləncəyi quraşdırılıb

Tokio, 12 may, AZƏRTAC

Yaponiyanın Kitakyuşu şəhərində dairə şəklində quraşdırılmış 163 metr uzunluğunda çoxyerli yelləncək dünyanın ən uzun yelləncəyi kimi “Ginnesin rekordlar kitabı”na daxil edilib.

AZƏRTAC Kyodo agentliyinə istinadla xəbər verir ki, bu polad konstruksiyada eyni vaxtda 100 nəfər yellənə bilər. Bildirilir ki, yelləncək Kyüçü adasının şimalındakı şəhərin “Hibikinada” əyləncə parkında quraşdırılıb.

“Ginnesin rekordlar kitabı”nın nümayəndələri şəxsən bu konstruksiyanın uzunluğunu ölçdükdən sonra onun dünyanın ən uzun yelləncəyi olduğunu təsdiq ediblər. Bununla əlaqədar rəsmi diplom yerli bələdiyyənin nümayəndəsinə təqdim olunub.

Həmin yelləncəyin inşası üçün yerli büdcədən 120 milyon yen (təqribən 1 milyon dollar) vəsait sərf olunub.

Bundan əvvəl dünyanın ən uzun yelləncəyinin Niderlanddakı parkda yerləşdiyi və uzunluğunun 133 metrə bərabər olduğu bildirilirdi.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.