Yaponiyada hidrogen yanacağı ilə işləyən qatarların istifadəyə verilməsi planlaşdırılır
Tokio, 6 iyun, AZƏRTAC
Yaponiyanın “JR Higashi Nihon” dəmir yolu şirkətinin nümayəndələri bildiriblər ki, şirkət 2020-ci ilin ortalarından başalayaraq ekoloji cəhətdən təmiz, hidrogen yanacağı elementindən istifadə edən qatarlardan istifadəni planlaşdırır.
AZƏRTAC xəbər verir ki, şirkət hidrogen yığılan çənlərin vaqonların damında və döşəmənin altında yerləşdirilməsini nəzərdə tutan layihə üzərində işləyir.
Həmin qatarlarda elektrik enerjisi çənlərdəki hidrogenin atmosferdəki oksigenlə kimyəvi reaksiyası zamanı ələdə ediləcək.
Şirkətin nümayəndələrinin hesablamalarına görə, qatarlardakı bütün çənlər dolu olduğu halda onun təqribən 140 kilometr məsafəni qət etməsi mümkündür.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
